Ekskluzive l Detaje të reja për policin që vrau 29-vjeçarin në market

Euronews Albania mëson detaje të reja lidhur me policin Arbër Sula, i shpallur në kërkim për vrasjen e Jurgen Dukës pas një sherri banal.

Agjenti i krimeve në Dibër njihej si një efektiv i qetë, ndërsa ditën e sotme ishte caktuar të kryente testin e drogës.

Ky proces ka nisur prej disa javësh në radhët e punonjësve të Policisë së Shtetit, ku deri tani me dhjetëra policë janë larguar nga detyra.

Me qëllim arrestimin e Sulës, me banim në zonën e Saukut në Tiranë, janë kontrolluar disa zona dhe banesa por deri më tani pa sukses.

Sula qëlloi me pistoletë mbi Jurgen Dukës gjatë një konflikti në një market në rrugën “Irfan Tomini” dhe më pas 29-vjeçari ndërroi jetë në spital.

Në video shfaqen momentet e përplasjes ku janë të pranishëm edhe disa persona të tjerë. Madje njëri prej tyre tenton të qetësojë situatën.

Fotoja është siguruar ekskluzivisht nga Euronews Albania në momentet që efektivi sapo është futur në dyqan.

LEXONI GJITHASHTU:

• Vritet me armë zjarri 29-vjeçari në Tiranë
• Pamjet e sherrit në Tiranë ku mbeti i vrarë 29-vjeçari