Afera e inceneratorit, asnjë gjurmë nga dy biznesmenët e lidhur me ish-ministrin

Të enjten, Lefter Koka do të japë qëndrimin e tij pas arrestimit për aferën e inceneratorit të Elbasanit.

Ish-ministri i Mjedisit do paraqitet para Gjykatës së Posaçme Kundër Korrupsionit ku me gjasë do të lihet në burg.

Ai dyshohet se ka përfituar rreth 3.7 milion euro ryshfet dhe ka shpërdoruar detyrën si ministër

Fatmir Braka do të jetë avokati i cili do ta mbrojë në gjykatë ish-ministrin e Mjedisit për të evituar më shumë se 10 vitet e burgut që ai rrezikon nga akuzat e SPAK.

Dy të akuzuarit e tjerë, Stela Gugallja dhe Klodian Zoto janë ende në kërkim. Kontrolli i sistemit TIMS tregon se ata nuk janë larguar nga Shqipëria.

Dyshohet se pronarët e kompanive që kanë përfituar nga inceneratori i Elbasanit të jenë larguar nga vendi ilegalisht. Policia ka kontrolluar për ta në disa banesa dhe në disa hotele luksoze.

Pas inceneratorit të Elbasanit, SPAK po përfundon hetimet për dy inceneratorët e tjerë, atë të Tiranës dhe Fierit.

Prokurorët Dritan Premçi dhe Vladimir Mara janë duke përmbyllur dosjen ku mësohet se janë të paktën 15 persona nën hetim.

Në këtë dosje ka emra të tjerë zyrtarësh të lartë dhe ish zyrtarësh që mund t’u vihen prangat.

LEXONI GJITHASHTU:

• Si e shpërdoroi detyrën dhe si u korruptua Lefter Koka?