BE shpjegon si vepron kontrolli i funksionimit të testeve: Kjo është shkenca jonë në veprim!

Dy ditë më parë, ambasadori i BE-së Luigi Soreca dorëzoi mostra materialesh kontrolli të testimit për COVID-19 pranë Institutit të Shëndetit Publik të Shqipërisë. Kompletet e dhuruara për Shqipërinë do të mundësojnë një saktësi të shtuar për deri në 20.000 komplete testimi COVID-19.

Përmes një postimi në faqen zyrtare në Facebook, sot Zyra e BE në Shqipëri sqaron se si do të bëhet i mundur kontrolli i funksionimit të testeve.

“Testimi i shpejtë dhe i besueshëm laboratorik është pjesë thelbësore e trajtimit të pandemisë coronavirus.⠀
Studiuesit e Qendrës së Përbashkët të Kërkimit, qendra shkencore dhe njohurive të BE-së, kanë hartuar një material të ri kontrolli që laboratorët mund të përdorin për të kontrolluar funksionimin e saktë të testeve të coronavirusit dhe për të shmangur rezultatet negativ të rremë.⠀
⠀
Ambasadori i BE, Luigi Soreca dorëzoi të premten materialin e ri të kontrollit pranë Institutit të Shëndetit Publik. Kompletet e dhuruara për Shqipërinë do të mundësojnë një saktësi të shtuar për deri në 20.000 komplete testimi COVID-19. Kjo është shkenca e BE-së në veprim!” thuhet në njoftim.⠀