6 viktima, mbi 2 mijë të infektuar me COVID në Shqipëri

Nga 7.859 testime në 24 orë, 2.643 qytetarë kanë rezultuar pozitiv me COVID-19.

Ministria e Shëndetësisë njoftoi për 6 viktima që shënojnë në total 3.283 humbje jete.

Që prej fillimit të pandemisë janë 212.879 të shëruar, nga ku 1.692 janë shëruar në 24 orët e fundit.

22.967 pacientë janë aktivë me COVID-19 në të gjithë vendin. Në spital po marrin mjekim 128 pacientë, nga të cilët 14 në gjendje më të rënduar.

Ministria e Shëndetësisë bëri thirrje për vaksinim për çdo qytetar mbi 16 vjeç.

“Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku,” – thuhej në njoftim.

Për personat që janë vaksinuar me dozën e dytë para 6 muajve rekomandohet doza e tretë, në mënyrë që të shmanget përhapja e pandemisë dhe shtrimi në spitale.

“Vendosja e maskës është e detyrueshme në çdo ambient të mbyllur. Shmangni grumbullimet dhe ajrosni ambientet ku qëndroni, për të kufizuar përhapjen e COVID-19,” – paralajmëroi ministria e Shëndetësisë.

Shpërndarja gjeografike e rasteve aktive sipas qarqeve:

Tiranë – 10.852

Fier – 1.814

Elbasan – 1.719

Durrës – 1.588

Shkodër – 1.519

Vlorë – 1.375

Gjirokastër – 1.086

Lezhë – 854

Berat – 837

Korçë – 828

Dibër – 267

Kukës – 228

LEXONI GJITHASHTU:

• OBSH kërkon të dhëna nga kompanitë prodhuese për vaksinat anti-COVID