Shtrëngim masash në Europë, shkak Omicron

Pas rritjes së infektimeve me Omicron, autoritetet në shumë shtete kanë vendosur të mbajnë në fuqi disa masa kufizuese të paktën deri në muajin shkurt.

Bullgari

Bullgaria ka forcuar masat anti-COVID. Shumë nxënës kalojnë sërish në mësimin në distancë.

Restorantet dhe baret funksionojnë me gjysmën e kapacitetit. Hotelet dhe ambientet argëtuese mbyllen jo më vonë se ora 22:00 dhe qytetarët duhet të kenë certifikata shëndetësore për të hyrë

Numri i rasteve me Covid-19 në Serbi është ende në rritje. Maskat janë të detyrueshme në ambientet e jashtme publike, transport publik. Dëshmia e vaksinimit ose shërimit nga COVID-19 kërkohet në institucionet e brendshme të hotelierisë.

Qeveria serbe vendosi masa të reja karantine, ata që rezultojnë pozitivë lejohet të largohen nga shtëpitë pas shtatë ditësh.Vetëizolimi i detyrueshëm për ata që janë në kontakt të ngushtë me një person pozitiv është reduktuar në pesë ditë.

Greqi

Greqia ka vendosur të gjobisë me 100 euro çdo muaj personat mbi 60 vjeç që nuk vaksinohen. Maskat  janë të detyrueshme në institucione, transportin publik dhe supermarkete. Restorantet, kafenetë dhe baret mbyllen në mesnatë.

Në një tavolinë mund të ulen maksimumi 6 persona si dhe ndalohen festat në ambiente publike apo private. Stadiumet sportive lejohen të funksionojnë me vetëm 10 për qind kapacitet

Itali

Italia riktheu deri më 31 janar maskat në të gjitha vendet publike të jashtme dhe të brendshme Në disa vende, është e detyrueshme maska.  Ata që refuzojnë të mbajnë maskë gjobiten nga 400-1000 euro. Certifikata covid është detyrim thuajse në të gjitha vendet publike. Shkollat janë rihapur në 10 janar. Klubet e natës dhe vendet e argëtimit  do të qëndrojnë të mbyllura deri më 31 janar.

Belgjikë

Qeveria belge bën me dije se nga 28 janari do të miratojë një ‘barometër korona’. Sistemi i koduar me ngjyra do të përcaktojë se çfarë kufizimesh do të duhet të vendosen bazuar në numrin e pacientëve që janë pranuar në spitale në mbarë vendin.

Francë

Kryeministri francez Jean Castex ka bërë me dije një lehtësim të kufizimeve. Maskat në ambientet e jashtme dhe puna në distancë nuk do të jenë më të detyrueshme nga 2 shkurti, ndërsa klubet e natës do të lejohen të rihapen më 16 shkurt. Qytetarët mbi 16 vjeç duhet të kenë certifikatë COVID për të hyrë në bare, restorante, vende kulturore dhe transport publik në distanca të gjata.

Austri

Austria do të bëhet vendi i parë evropian që do të kërkojë me detyrim vaksinimin. Nga marsi, ata që nuk japin prova të vaksinimit fillimisht do të gjobiten deri në 600 euro – një tarifë që mund të rritet në 3,600 euro.

Britani e Madhe

Në Britani të Madhe, autoritetet kanë lehtësuar masat pasi shkencëtarët e qeverisë raportuan se rritja e infeksioneve ” ka arritur kulmin kombëtar”. Maskat e fytyrës nuk janë  më të detyrueshme në vendet publike dhe shkolla ndërsa lejet COVID nuk do të nevojiten më për eventet e mëdha. Qeveria nuk i këshillon më njerëzit të punojnë nga shtëpia.

Në Danimarkë janë rihapur muzetë teatrot, kinematë, por baret dhe restorantet duhet të mbyllen në orën 23:00.

LEXONI GJITHASHTU:

• Pabarazitë në vaksinim, shkak për zgjatjen e pandemisë