Juristi Spahija tregon çfarë pritet nga Gjykata Kushtetuese: Ka tri rrugë

Gjykata Kushtetuese e Kosovës ka pezulluar deri më 29 maj dekretin e presidentit Hashim Thaçi për të mandatuar Avdullah Hotin e Lidhjes Demokratike të Kosovës për kryeministër, deri sa të jepet vendimi përfundimtar për këtë çështje.

Florent Spahija, jurist, thotë se nuk përjashtohet që gjykata të shtyjë masën e përkohshme dhe për një muaj apo 15 ditë të tjera për të përfunduar gjykimin lidhur me çështjen.

Ai thotë se vendimi është marrë me shumicë votash nga 8 anëtarët dhe nuk ka qenë vendim njëzëri dhe kjo le të nënkuptosh se ka pasur debat. Sipas tij, Presidenti Hashim Thaçi ka gabuar në ngutjen për dhënien e të drejtës për formimin e qeverisë për Lidhjen Demokratike të Kosovës

“Janë bërë hapa të ngutshme nga Presidenti dhe nuk ka prit që Vetëvendosja të dorëzojë mandatin apo ta refuzojë atë. Vendimi i mëparshme i gjykatës për cakton se partia fituese duhet të caktojë emrin e mandatarit ose të refuzoi marrjen e mandatit. Në këtë rast VV nuk është shprehur”, u shpreh z. Spahia.

Tashmë, sipas ti,j gjykata mund të arrijë në tri përfundime që janë; të përcaktojë si të paezauruar të drejtën e VV-së, të çojë vendin në zgjedhje të reja ose t’i japë të drejtën LDK-së për formimin e qeverisë.