Adoleshenti kërkon 50 mijë $ për të mos përgjuar Elon Musk

Jack Sweeney, një 19-vjeçar nga Florida refuzoi ofertën e Elon Musk për të fshirë llogarinë e tij në Twitter përmes të cilës gjurmon avionin privat të miliarderit.

ElonJet ka më shumë se 200.000 ndjekës dhe përdor një aplikacion që Sweeney zhvilloi për të monitoruar fluturimet e Musk.

Landed near Harlingen, Texas, US. Apx. flt. time 2 Hours : 16 Mins. pic.twitter.com/VKmkxfWyh7

— Elon Musk’s Jet (@ElonJet) January 31, 2022

Adoleshenti ka shpikur dhjetëra aplikacione të ngjashme që gjurmojnë lëvizjet e personazheve të njohur në botën e teknologjisë, përfshirë Bill Gates dhe Jeff Bezos.

Mesazhin e drejtpërdrejtë nga njeriu më i pasur në botë adoleshenti e kishte marrë në 30 nëntor.

“Mund ta fshish këtë, është rrezik për sigurinë”, i kishte kërkuar Musk adoleshentit.

Pronari i Tesla dhe SpaceX i kishte ofruar Jack Sweeney 5 mijë dollarë në mënyrë që “të shmangte gjurmimin e udhëtimeve të tij nga ndonjë i çmendur”.

Adoleshenti i kërkoi 50 mijë dollarë, të cilat ‘mund të përdorte për shkollën ose ndoshta për të blerë ndonjë Tesla Model 3’.

Por Sweeney i dha miliarderit disa këshilla teknike, duke i treguar një program bllokues që ai mund të përdorte për të kundërshtuar programet e gjurmimit të fluturimeve.

LEXONI GJITHASHTU:

• Pasuria e Elon Musk u rrit me 1000% gjatë pandemisë
• Gati për të jetuar në Mars? Gjithçka që duhet të dini për qytetin e Elon Musk