Shtyhet për të hënën seanca për shkarkimin e Metës

Gjykata Kushtetuese vendosi të shtyjë për të hënën seancën për shqyritimin e shkarkimit të presidentit të vendit.

Përfaqësuesi ligjor i presidentit, Bledar Dervishaj kërkoi 48 orë kohë për t’iu përgjigjur 70 pyetjeve që iu drejtuan nga trupi gjykues, duke thënë se duhet të informojë presidentin Meta për këto pyetje.

Më herët gjatë ditës, Dervishaj ka thënë se presidenti nuk ka shkelur Kushtetutën dhe se vetë procesi i ngritjes së Komisionit Hetimor i Kuvendit ishte anti-kushtetues.

Gjykata Kushtetuese nisi të martën procesin e gjykimit të vendimit të parlamentit për shkarkimin e presidentit Iliri Meta me një seancë publike dhe praninë e të dyja palëve: Parlamentit dhe Presidencës.

LEXONI GJITHASHTU:

• Sot seanca për Metën në Kushtetuese