Shoqata e Transportit Urban paralajmëron bllokim të shërbimit nga 1 marsi

Shoqata e Transportit Qytetas paralajmëron se në 1 mars do të ndërpritet shërbimi urban për qytetarët, nëse kërkesat e tyre drejtuar qeverisë nuk miratohen.

Përmes një shkrese shoqata kërkon rimbursimin e TVSH-së në shitje dhe heqjen e akcizës 37lek/litër. Sipas tyre, rritja e çmimit të naftës ka shtuar kostot me të paktën 25 %.

Kjo nuk është hera e parë që Shoqata e Transportit kërkon ndërhyrjen e qeverisë për të vazhduar ofrimin e shërbimit pa ndikuar në cilësi.

Disa nga kërkesat e Shoqatës së Transportit Qytetas

• Rimbursimi i TVSH në shitje
• Heqja e akcizës 37 lekë/litër
• Heqja e taksës së qarkullimit në karburant për subjektet e licencuara që ushtrojnë aktivitetin në transportin urban (qytetës) 27 lekë/litër
• Rimbursimi nga Ministritë e linjës lidhur me kategoritë (invalidë pune, të verbër, paraplegjikë, Tetraplegjikë, studentët) të cilët përfitojnë çmim të reduktuar ose falas.

LEXONI GJITHASHTU:

• Dyndje në urbanët e Tiranës, qytetarët presin nga 25 minuta nëpër stacione
• Shkodra e Vlora paralajmërojnë përgjysmim të autobusëve urbanë