Rama për inceneratorët: S’e njoh Lefter Kokën si pronar përfitues

Këtë të mërkurë kryeministri Edi Rama po dëshmon në Komisionin Hetimor të Inceneratorëve.

Kryeministri nënvizoi se Leftër Kokën e njeh si ministër të Mjedisit të qeverisë së Shqipërisë dhe nuk e njoh si pronar përfitues të kontratave të inceneratorëve.

“Zonjë kur unë kam ardhur në këtë komision jam njohur me detyrimet e mia si dëshmitar. Komisioni nuk mund të ngrejë akuza penale dhe as nuk mund të ushtrojë atributet e gjykatës. Këtë e keni bërë në mënyrë shumë të përsëritur dhe në këtë komision është përsëritur akuza e grupit të strukturuar kriminal”, u shpreh Rama.

Kreu i qeverisë nënvizoi se i ka dhënë mbështetjen e plotë Komisionit të Inceneratorëve dhe është i pranishëm për të ndihmuar në zbardhjen e të vërtetës.

“Ju sa shkelët ligjin se ju folët për aferë, nuk kam ardhur këtu për të zbardhur ndonjë aferë. Afera është nën opinionin tuaj. Këtu nuk mund ta shprehni. Unë nuk kam ardhur këtu për asnjë aferë”, tha Rama.