Zelensky: Po mbrojmë vendin, tokën dhe të ardhmen e fëmijëve

Presidenti ukrainas Volodymyr Zelensky deklaron se ushtria e tij po mbron vendin, tokën dhe të ardhmen e fëmijëve.

Në një fjalim drejtuar popullit të Ukrainës pak minuta më parë, ai tha se Kievi dhe qytetet kyçe rreth kryeqytetit kontrollohen nga ushtria ukrainase.

“Jemi ngritur në këmbë dhe kemi luftuar me sukses sulmet e armikut. Luftimet po vazhdojnë. Në shumë qytete dhe zona të shtetit tonë. Por ne e dimë se po mbrojmë vendin, tokën, të ardhmen e fëmijëve. Kievi dhe qytetet kyçe rreth kryeqytetit kontrollohen nga ushtria jonë. Zaptuesit donin të bllokonin qendrën e shtetit tonë dhe të vendosnin këtu ‘marionetat’ e tyre, si në Donetsk. Ne e thyem idenë e tyre”, u shpreh presidenti.