Rusia mbyll hapësirën ajrore për avionët nga disa vende të BE-së

Rusia ka mbyllur hapësirën e saj ajrore për kompanitë e lidhura ose të regjistruara në disa vende të BE-së.

Fluturimet komerciale dhe tranzite nga linjat ajrore në Letoni, Lituani, Estoni dhe Slloveni tani janë të ndaluara të hyjnë në hapësirën ajrore ruse.

Masa vjen si hakmarrje për masat e ngjashme të marra nga këto vende në fillim të kësaj jave, në një lëvizje për të sanksionuar Rusinë për pushtimin e saj në Ukrainë.

Të shtunën Rusia mbylli hapësirën e saj ajrore për avionët e lidhur me Bullgarinë, Poloninë dhe Republikën Çeke, sërish pas një vendimi të ngjashëm të marrë nga këto vende kundër kompanive ruse.

Në fillim të kësaj jave, autoriteti rus i aviacionit civil, Rosaviatsia, ndaloi gjithashtu fluturimet në Mbretërinë e Bashkuar drejt dhe mbi Rusi në shenjë hakmarrjeje për ndalimin britanik të Aeroflot.

LEXONI GJITHASHTU:

• Inteligjenca ushtarake britanike: Rusia po përballet me rezistencë të ashpër
• Rusia sulmon me raketë gazsjellësin në Vasylkiv