Zonat e nxehta të luftimeve në Ukrainë

Sulmi i raketave ruse vijon të godasë zona të banuara në qytetet ukrainase. Kievi është sulmuar për të tretën ditë rradhazi me raketa. Viktima dhe banesa të shkatërruara kishte edhe në qytetin Kharkiv.

KIEV

Për të tretin mëngjes rradhazi kryeqyteti i Ukrainës u zgjua nën sulmin e raketave ruse. Edhe këtë mëngjes bombat goditën një godinë të banuar me 12 kate.

Qendra e Kievit vijon të goditet nga raketat ruse ndërsa luftime të ashpra po ndodhin në periferinë veriore të kryeqytetit.

KHARKIV

Sulmet vijojnë edhe në Kharkiv ku dy persona humbën jetën gjatë sulmit të mbrëmjes së të martës. Dy godina shumëkatëshe të banuara u shkatërruan nga sulmi. Katër persona u shpëtuan nga rrënojat.

ODESA

Në jug forcat detare ruse të martën bombarduan qytetin e Odesës, ku janë afruar sërisht mëngjesin e sotëm.

DONBAS

Në lindje luftimet janë edhe më të ashpra, veçanërisht rreth Luhanskut të marrë nën kontroll nga Rusia. Forcat ruse atje përpiqen të lëvizin drejt perëndimit për tú bashkuar me trupat e saj në jug.

LEXONI GJITHASHTU:

• Ministrat e Mbrojtjes së vendeve të NATO-s sot takim në Bruksel