Asnjë rast të gripit të shpendëve në vend, dhjetëra pelikanë ngordhin në Greqi

Një numër i lartë shpendësh të llojit pelikani kaçurrel janë gjetur të ngordhur në anën greke të Liqenit të Prespës. Kjo është bërë me dije përpara disa ditësh nga Agjencia e Mbrojtjes dhe Ruajtjes së Mjedisit në Shqipëri.

Kjo konfirmohet edhe nga drejtori i AZM Korçë, Iljon Thanas, i cili tregon se gripi i shpendëve ndodhet aktiv në anën greke, ndërkohë që ende nuk është vënë re prezenca e këtij gripi në anën shqiptare.

Edhe në Liqenin e Ohrit ende nuk ka asnjë sinjalizim të gripit të shpendit.

Në Shqipëri ditën e djeshme janë ngritur dyshimet për këtë lloj sëmundje, ndërkohë që Ministria e Bujqësisë në daljen e saj për mediat ka sqaruar se ende nuk është identifikuar asnjë rast i gripit të shpendëve.

Sa i përket rasteve të dyshuara janë çuar për analiza në laboratorë specifikë.