Rusët sulmojnë shkollën në Ukrainë, rreth 400 persona të strehuar në të

Një shkollë arti që përdoret si strehë në qytetin e rrethuar të Mariupolit është bombarduar nga forcat ruse, sipas këshillit të qytetit të Mariupol.

Rreth 400 njerëz ishin strehuar në ndërtesën, e cila u shkatërrua nga sulmi.

Deri më tani nuk është raportuar për viktima, por ka njerëz që kanë ngelur të bllokuar nëpër rrënoja.

Mariupol është një nga qytetet më të sulmuara nga rusët gjatë ditëve të fundit.

Të mërkurën, forcat ruse bombarduan godinën e një teatri në këtë qytet, ku ishin të strehuar mbi 1000 persona.

LEXONI GJITHASHTU:

• Dhjetëra viktima nga bombardimet në Ukrainë, mbi 6 mijë evakuime të shtunën