Rusia ka tërhequr vetëm 20% të forcave nga Kievi, pretendon Pentagoni

Departamenti Amerikan i Shtetit thotë se Rusia ka tërhequr rreth 20% të forcave nga Kievi dhe një pjesë e tyre janë nisur drejt Bjellorusisë në 24 orët e fundit.

Zëdhënësi i Pentagonit, John Kirby tha se Rusia nuk është treguar serioze në zotimin për të tërhequr sulmet, siç u arrit gjatë bisedimeve të fundit në Stamboll.

Sipas DASH forcat ruse po ripozicionohen dhe kanë sulmuar Kievin si nga veriu ashtu edhe nga veriperëndimi, raporton CNN.

Nga ana tjetër, Kirby tha se nga bombardimet qyteti i Marupol është shkatërruar plotësisht.

Dëmet kanë prekur ndërtesat rezidenciale, spitalet, parqet dhe gjithçka tjetër.

Pamjet e reja satelitore tregojnë pjesë të tëra blloqe pallatesh të shkatërruara plotësisht nga bombardimet ruse.