Alqi Bllako është vetëdorëzuar të enjten

Ish-deputeti i PS-së Alqi Bllako është vetëdorëzuar në polici mbrëmjen e të enjtes, njoftoi Policia.

Bllako ndodhet në Drejtorinë Vendore të Policisë Tiranë, që prej mbrëmjes së djeshme.

Policia tha se informacionet që qarkulluan nëpër media mbrëmjen e djeshme me pretendimin se Bllako ishte arratisur, janë të rreme.

Bllako akuzohet për shpërdorim detyre dhe korrupsion për çështjen e inceneratorit të Fierit.

Arrestimi i tij u kërkua nga SPAK të martën, pas hetimeve për inceneratorin e Fierit.

Policia tha që Bllako është vetëdorëzuar mbrëmjen e djeshme, por nuk sqaron se kur saktësisht. Njoftimi zyrtar i policisë për Alqi Bllakon erdhi vetëm mëngjesin e sotëm.

LEXONI GJITHASHTU:

• Policia nuk e ka arrestuar Bllakon, mediat pretendojnë se është arratisur
• Familja e Bllakos shiti 2 kompani 2 javë para arrestimit, pretendon Bushati