Në ‘dhomën e errët’ të Marubit, ku zuri fill fotografia shqiptare

Për të gjithë ata që duan të shohin dhe prekin nga afër objektet me të cilët familja Marubi ka dokumentuar historinë, kjo tashmë e mundur në ekspozitën më të fundit “Marubi Expose”.

Aparatet, negativët dhe pajisjet e tjera të pa ekspozuara më parë të “dhomës së errët” ku zhvillohej zanafilla e fotografisë shqiptare.

“Janë 8 fotografi që kemi zgjedhur të ekspozojmë. Imazhe të zbuluara gjatë inventarit 2013. Është një moment mjaft intim që shohim të pozojnë dy gjeneratat e fundit të Marubëve”, thotë Luçjan Bedeni, drejtor i muzeut ‘Marubi’.

Kuratorja e kësaj ekspozite Orestia Kapidani, tregon për Euronews Albania mënyrën se si realizohej një shekull më parë kalimi i imazheve nga negativi në fotografi.

“Në këto dy aparatura mund të bëhet kontakti; madhësia e negativit dhe pozitivit janë 1, vendoset negativi dhe letra bashkë, puthiten dhe në këtë moment ato ekspozohen. Përcaktimi i kohës ndodh sipas nevojës. Këto dy aparatura i shërbejnë këtij qëllimi”, tregon kuratorja.

Synimi final i kësaj ekspozite është realizimi i plotë të procesit nga fotografimi në prodhimin e fotografisë. Gjithashtu edhe njohja e të rinjve me këtë proces, i cili ka dokumentuar në negativë ngjarjet më të rëndësishme të historisë sonë .

LEXONI GJITHASHTU:

• Artistët italianë sjellin ekspozitën mbi ‘zhvillimin e fotografisë’ në muzeun Marubi
• Fotografi nga periudha osmane në ekspozitën e muzeut Marubi