Vezët Kinder të prekura nga salmonela, zbrazen raftet në Britani

Ferrero ka hequr vezët Kinder Suprise nga raftet e dyqaneve në Britani për shkak të salmonelës.

Kompania italiane e ëmbëlsirave e mori këtë vendim pasi u shfaqën disa raste me këtë bakter në çokollatat që përmbajnë brenda një lodër.

Ferrero tha se çokollata e prekur ishte prodhuar në Belgjikë dhe heqja e vezëve prej cokollate mund të shtrihet në vende të tjera.

Agjencia Britanike e Standardeve të Ushqimit (FSA) këshilloi klientët që të mos hanë produktet, të cilat e kanë skadencën  midis 11 korrikut dhe 7 tetorit.

Të paktën 63 raste që u sëmurën pas konsumimit të Kinder Suprise ishin identifikuar, shumica e të cilave janë fëmijë nën 5 vjeç, tha Agjencia e Sigurisë Shëndetësore në Mbretërinë e Bashkuar.

“Ne e dimë se këto produkte të veçanta janë të njohura për fëmijët e vegjël, veçanërisht me afrimin e Pashkëve, kështu që ne do t’i nxisim prindërit dhe kujdestarët e fëmijëve që të kontrollojnë nëse ndonjë produkt tashmë në shtëpinë e tyre është prekur nga ky bakter,”  u shpreh Tina Potter, Shefja e FSA-së.

LEXONI GJITHASHTU:

• Pastiçieri grek në Tiranë përgatit çokollata e ëmbëlsira për nxënësit
• Lajthimbledhësit akuzojnë kompaninë e famshme të çokollatave