Rudina Hajdari tregon se si mund të ringrihet PD

“Rishikimi i statutit, ri-ngritja e të gjithë strukturave, rithemelimi i të gjithë organeve të PD, është një shans shumë i mirë për të thithur jo vetëm ish-anëtarë por edhe njerëz të rinj të një gjenerate të re”.

Kështu deklaroi ish-deputetja  e PD-së Rudina Hajdari në një intervistë për Euronews Albania për bashkimin e ringritjen e PD-së.

“PD ka kohë që është futur në krizë, por këto 8 muaj kanë qenë më të vështirë. Tani është momenti që të japim kontributin tonë, një shans shumë i mirë për PD-në”, u shpreh ajo.

Ish-deputetja mbështet ndryshimet në statut të propozuara më 11 dhjetor.

“I jep më shumë peshë anëtarësisë dhe dobëson rolin e kryetarit.  PD është një aset kombëtar dhe duhet t’i rikthehet misionit të një aset kombëtar dhe duhet t’i rikthehet misionit që ka pasur, nuk mund të jetë më partia e një individi”, tha ajo.

Sa i përket marrëdhënies me Sali Berishën, ajo tha se me ish-kryeministrin ka lidhje familjare dhe gjithmonë i ka mbajtur raportet.

LEXONI GJITHASHTU:

• Yuri Kim: Diskutim shumë i mirë me kryetarin e komanduar të PD
• Yuri Kim takim me Lindita Nikollën