Pretendonin 3 mandate, shqiptarët e Preshevës mund të mbesin pa përfaqësim

Shqiptarët që jetojnë në jug të Serbisë, rrezikojnë të mbeten pa asnjë përfaqësim në Kuvendin e Serbisë pas zgjedhjeve të 3 prillit.

Në përbërjen e deritashme të Kuvendit të Serbisë kanë qenë tre deputetë shqiptarë, të cilët kanë fituar mandatin, pasi kanë garuar me një listë të përbashkët, të formuar me iniciativën e Qeverisë së Shqipërisë.

Ndërsa në zgjedhjet e fundit, partitë shqiptare garuan me dy lista: Koalicioni i Shqiptarëve të Bashkuar dhe Alternativa Demokratike Shqiptare, me gjithsej 20 kandidatë.

Ditën e djeshme, politikani shqiptar në Luginë të Preshevës, Shaip Kamberi, kërkoi përsëritjen e zgjedhjeve parlamentare në këtë zonë.

Kamberi tha se këto zgjedhje u karakterizuan me pjesëmarrje të ulët të shqiptarëve për shkak të pasivizimit të adresave të shqiptarëve.

Sipas tij, zgjedhjet duhen të përsëriten në Luginën e Preshevës.

LEXONI GJITHASHTU:

• Vuçiç fiton zgjedhjet në Serbi
• Shaip Kamberi: Na duhen të paktën 3 deputetë në parlamentin serb