Von der Leyen viziton Buçan: Pamë fytyrën mizore të Putinit

Presidentja e Komisionit Evropian, Ursula von der Leyen dhe shefi i Politikës së Jashtme të BE, Josep Borrell vizituan një varr masiv në Buça, qyteti pranë Kievit ku forcat ruse akuzohen nga Perëndimi se kanë kryer masakra ndaj popullsisë civile.

Teksa vizitonte varret, Von der Leyen u shpreh se Buça është shembulli i shkërmoqjes së njerëzimit.

“E pamendueshmja ka ndodhur këtu, ku kemi parë fytyrën mizore të ushtrisë së Putin. Kemi parë çmendurinë dhe zemër ftohtësinë me të cilën ata kanë pushtuar qytetin. Këtu në Buça pamë njerëzimin të shkërmoqet dhe e gjithë bota po ndan dhimbjen me banorët e qytetit”, tha presidentja e KE-së.

It was important to start my visit in Bucha.

Because in Bucha our humanity was shattered.

My message to Ukrainian people:

Those responsible for the atrocities will be brought to justice.

Your fight is our fight.

I’m in Kyiv today to tell you that Europe is on your side. pic.twitter.com/oVEUOPDuD6

— Ursula von der Leyen (@vonderleyen) April 8, 2022

Von der Leyen u dërgoi qytetarëve të guximshëm të Ukrainës mesazhin se BE qëndron pranë tyre dhe do të vazhdojë t’i mbështesë ata sa më shumë. “Ne e dimë që ju po luftoni për vlerat tona të përbashkëta dhe që demokracia do të fitojë”, tha më tej Von der Leyen.

Presidentja e Komisionit Evropian dhe Përfaqësuesi i Lartë i Bashkimit Evropian njoftuan gjithashtu 500 milionë euro ndihmë në formë armatimesh për Ukrainën, duke e çuar totalin e ndihmave në 1.5 miliard euro që nga nisja e pushtimit rus.