Gjysma e Ukrainës duhet të çminohet

Rreth gjysma e territorit të Ukrainës ka nevojë për t’u pastruar nga minat tokësore, sipas një përfaqësuesi të Shërbimit Shtetëror të Emergjencave.

Oleg Bondar tha se rreth 300.000 km katrorë tokë kërkon përpjekje humanitare për çminim, pasi një sasi e madhe eksplozivi është vendosur në zonat e marra nga ushtarët rusë.

Përpjekjet për çminimin e territorit janë përqendruar pranë Kievit dhe zonave të tjera veriore të vendit, thotë Bondar. Kontrollet po vazhdojnë në rajonet e Kharkiv dhe Nikolaev, pavarësisht bombardimeve ruse.

Puna e pastrimit ka përfunduar në Irpin, afër Kievit, por Bondar thotë se toka private duhet ende të kontrollohet, gjë që kërkon lejen e pronarëve.

LEXONI GJITHASHTU:

• Kush është gjenerali i ri i Putinit në Ukrainë
• Lideri çeçen thotë se Rusia synon të marrë Kievin