Babai i deputetit të PS non grata, Gjylameti: S’jemi mburojë politike e askujt

Partia Socialiste ka treguar se nuk ka marrë nën mburojë politike asnjë person që ka probleme me drejtësinë.

Kështu u përgjigj deputetja socialiste Blerina Gjylameti në emisioni Now në Euronews Albania lidhur me qëndrimin që duhet të mbajë PS pas shpalljes non grata nga SHBA të Aqif Rakipit, babai i deputetit të PS, Ornaldo Rakipi.

Gjylameti tha se vendimi i Departamentit të Thesarit duhet analizuar më imtësisht për të kuptuar arsyet që çuan në marrjen e këtij vendimi.

“Ligji i dekriminalizimit ka të bëjë me individin dhe jo familjen. Nuk besoj se djali duhet të mbajë atë që ka të bëjë me të atin, por gjithsesi duhet parë vendimi i DASH, që është një vendim tjetër që përfshin sanksione ekonomike. Por PS mbetet e palëkundur për mosdhënien e mburojës politike”, tha Gjylameti.

LEXONI GJITHASHTU:

• Berisha nuk komenton shpalljen non grata të dy biznesmenëve
• Shpalljet ‘non grata’ në Ballkanin Perëndimor, reagon Blinken