Deputetja e PS, Gjylameti: Shpresoj që Presidente të zgjidhet një grua

Deputetja e Partisë Socialiste, Blerina Gjylameti shprehet e mendimit se President duhet të zgjidhjet një person jo i përfshirë në politikë.

“Mendoj që nuk do duhet të jetë thellësisht politik sepse po të jetë, do të jetë i paragjykuar nga pala tjetër, kështu që shpresoj të jetë një person i cili të ketë kontribute të veçanta në shoqërinë shqiptare, me integritet të lartë”, tha Gjylameti.

Deputetja socialiste shprehu hapur mbështetjen që në krye të shtetit këtë herë të zgjidhjet një grua që do të ishte Presidentja e parë grua në Shqipëri.

“Shpresoj shumë që të gjejmë një emër i cili i bashkon palët dhe personi përgjegjës të jetë mbi palët. Unë besoj dhe shpresoj që kësaj here të arrijmë që të na bashkojë një grua”, përfundoi Gjylameti.