Mbretëria e Bashkuar pretendon se Rusia ka përdorur armë kimike në Ukrainë

Ministri i Forcave të Armatosura të Mbretërisë së Bashkuar, James Heappey deklaroi se Londra po punon për të konfirmuar faktin se Rusia ka përdorur armë kimike në Ukrainë.

Heappey tha për BBC, se ka disa raporte të cilat pretendojnë se armët kimike janë përdorur në qytetin jugor të Mariupolit, por as inteligjenca britanike e mbrojtjes dhe komologët e tyre në Kiev, nuk kanë qenë në gjendje që t’i vërtetojnë.

Sipas ministrit, nëse do të gjenden prova të tilla, të gjitha opsionet do të jenë të mundshme sa i takon përgjigjes ndërkombëtare ndaj Rusisë.

“Presidenti Putin duhet të jetë i vetëdijshëm se përdorimi i armëve kimike është i papranueshëm,” tha ai.

Kryeministri i Mbretërisë së Bashkuar, Boris Xhonson u takua të shtunën me presidentin e Ukrainës, Volodimir Zelenski në Kiev.

Dy liderët kanë diskutuar për ndihmën që Mbretëria e Bashkuar do të ofrojë në terma afatgjatë për Ukrainën dhe pritet që Xhonson të bëjë të ditur një paketë të re financiare dhe ndihma ushtarake.

LEXONI GJITHASHTU

• Ukraina nuk do t’i falë territor Rusisë, thotë Zelenski
• Boris Xhonson vizitë surprizë në Kiev, takon Zelenskin