Hapen 9 korridore humanitare për evakuimin e civilëve nga Ukraina

Zëvendës kryeministrja e Ukrainës, Iryna Vereshchuk tha se është arritur një marrëveshje për 9 korridore humanitare.

Kjo shihet si një përpjekje për të shpëtuar civilët, të cilët kanë mbetur të bllokuar në të gjithë Ukrainën, shkruan BBC.

Në këto korridore humanitare do të kalojnë civilë nga disa qytete, si Berdyansk, Tokmak, Enerhodar dhe Mariupol, porti jugor që ka qenë i rrethuar nga trupat ruse për javë të tëra.

Vereshchuk shtoi se rrugët e evakuimit do të funksiononin në rajonin e Luhanskut nëse forcat pushtuese ruse do të ndalonin bombardimet.

Ndërkohë, më herët gjatë ditës së sotme, Presidenti ukrainas Volodimir Zelenski tha se Rusia duhet të largohet nga komuniteti ndërkombëtar, nëse nuk dëshiron të arrijë një marrëveshje për paqe.

“Nëse Rusia nuk kërkon paqe, atëherë si rezultat i kësaj lufte do të duhet të largohet përgjithmonë nga arena ndërkombëtare”, u shpreh Zelenski.

LEXONI GJITHASHTU

• Anija luftarake ruse në Detin e Zi dëmtohet nga zjarri
• Rreth 22 mijë civilë të vrarë, 75% e Mariupolit e shkatërruar