OFL-ja vë në shënjestër dy “të fortët” e Shkodrës, duhet të përgjigjen brenda 48 orësh

Operacioni Forca e Ligjit u ka dërguar një kërkesë me shkrim për vetëdeklarimin e pasurisë Enver Bajrit dhe Emrah Plaku, të dy nga qyteti i Shkodrës. Gjykata e Bolonjës në Itali e ka dënuar Enver Bajrin  me 9.6 vite burg, për veprën penale “Shfrytëzim prostitucioni, e kryer në bashkëpunim”.  

“Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve: E. B., banues në Shkodër, person nën hetim, pasi ish-Gjykata e Shkallës së Parë për Krimet e Rënda i ka caktuar masën e sigurimit personal “Arrest në burg”, për veprat penale “Shtrëngim me anë të kanosjes për dhënien e pasurisë, e kryer në bashkëpunim, në kuadër të grupit të strukturuar kriminal” dhe “Kryerja e veprave penale nga organizata kriminale apo grupi i strukturuar kriminal”. Gjithashtu, Gjykata e Bolonjës (Itali) e ka dënuar me 9 vjet e 6 muaj burg, për veprën penale “Shfrytëzim prostitucioni, e kryer në bashkëpunim”.

Nga ana tjetër, personi i dytë i cili duhet t’u përgjigjet pyetjeve me shkrim të OFL-së është edhe Emrah Plaku. Ky i fundit nuk është një emër i panjohur për Policinë dhe drejtësinë shqiptare. Ish-Gjykata e Shkallës së Parë për Krimet e Rënda i ka caktuar masën e sigurimit personal “Arrest në burg”, për veprat penale “Shtrëngim me anë të kanosjes për dhënien e pasurisë

“E. P., banues në Shkodër, person nën hetim, pasi ish-Gjykata e Shkallës së Parë për Krimet e Rënda i ka caktuar masën e sigurimit personal “Arrest në burg”, për veprat penale “Shtrëngim me anë të kanosjes për dhënien e pasurisë, e kryer në bashkëpunim, në kuadër të grupit të strukturuar kriminal” dhe “Kryerja e veprave penale nga organizata kriminale apo grupi i strukturuar kriminal”, njofton OFL-ja.

Sipas OFL-së, këta persona si subjekt i Ligjit Special, duhet t’u përgjigjen me shkrim brenda 48 orësh pyetjeve të OFL-së dhe më pas përgjigjet e marra do t’i dërgohen SPAK-ut për veprime të mëtejshme.