Sulmohet sërish policia në veri të Kosovës

Paraditen e të martës ka pasur një sulm të ri ndaj policisë në veri të Kosovës.

Policia konfirmon se në orët e hershme të mëngjesit është sulmuar një njësi patrulluese kufitare, në fshatin Zupçe të Zubin Potokut.

Përveç dëmeve materiale në automjete, nuk raportohet për të lënduar.

Në vendngjarje kanë mbërritur më shumë forca policore për të monitoruar situatën. Policia e Kosovës dhe organet e drejtësisë po e hetojnë rastin më në thellësi.

Sulme të ngjashme ndaj policisë në veri të Kosovës kanë ndodhur edhe javët e kaluara, ku ndonjëherë kanë qenë të përditshme.

Sulmet e mëparshme në veri në Mitrovicës, kryeministri i Kosovës Kurti i ka cilësuar “sulme terroriste që donin të vrisnin policët”.

LEXONI GJITHASHTU:

• Policia e Kosovës konfirmon sulmin ndaj saj në veri