Asnjë rast përdorimi droge në shkollën tonë, thotë drejtoresha e ‘Qemal Stafës’

Drejtoresha e gjimnazit ‘Qemal Stafa’ në Tiranë tha se në ambientet e shkollës që ajo drejton nuk është konstatuar asnjë rast përdorimi i drogës apo cigares nga nxënësit.

Në emisionin ‘Sot’ në Euronews Albania, Albania Klotilda Jaupi tregoi se bashkëpunimi mes oficerit të sigurisë, punonjësit social dhe psikologut kanë bërë të mundur monitorimin e plotë të ambienteve të shkollës nga fenomene të tilla.

Ajo theksoi se sistemi i sigurisë me kamera është i shtrirë në të gjitha ambientet e shkollës duke siguruar survejancë të plotë për nxënësit gjatë procesit mësimor.

“Në disa raste kemi bërë tryezë rrethore me prindërit dhe oficerët e sigurisë. Është e rëndësishme si ja përcjell prindit. E rëndësishme është të shpëtojnë rastin në mënyrë që të shpëtojmë një qytetar. Familja dhe shkolla duhet të bashkëpunojnë në të mirë të fëmijës”, tha ajo.

LEXONI GJITHASHTU:

• Psikologia tregon se si mund të dallohen nxënësit që konsumojnë lëndë narkotike
• Dedektivja private pretendon se në shkolla përdoret masivisht drogë