Putin nënshkruan dekretin për sanksione ‘hakmarrëse’

Presidenti rus Vladimir Putin ka nënshkruar një dekret për sanksione ‘hakmarrëse’ ekonomike ndaj disa shteteve të huaja dhe organizatave ndërkombëtare.

Autoritetet në Kremlin deklaruan se këto sanksione janë një përgjigje ndaj veprimeve jomiqësore ndaj Rusisë.

Sipas dekretit, Rusia do të ndalojë eksportin e produkteve dhe lëndëve të para për njerëzit dhe subjektet që ka sanksionuar, raporton Reuters.

Një sërë shtetesh të Europës dhe jo vetëm kanë vendosur sanksione ndaj Rusisë. Një ditë më parë qeveria e Zelandës së Re njoftoi sanksione të reja kundër Rusisë, duke synuar elitën politike dhe sektorin e mbrojtjes së vendit.

LEXONI GJITHASHTU:

• ‘Mbyllni portet për anijet ruse, kufizoni turistët’, Zelenski rendit kërkesat
• ‘Qëndrimi juaj më kujton Shën Terezën’, Zelenksi falënderon shqiptarët
• Rama: Shqipëria do japë kontributin e vet për Ukrainën në Tryezën e Donatorëve