Sejko: Lufta ngadalësoi ekonominë, çmimet do të vijojnë të larta deri në 2023

Rritja ekonomike do të jetë e vogël në vitin 2022 ndërsa çmimet do të qëndrojnë të larta deri në fillim të vitit 2023.

Këtë parashikim e ka bërë Banka e Shqipërisë, teksa guvernatori Gent Sejko tha se kjo situatë vjen nga lufta Rusi-Ukrainë

“Përditësimi i parashikimeve tona të skenarit bazë sugjeron se inflacioni në vend do të mbetet në nivele relativisht të larta gjatë periudhës në vijim. Çmimet e larta në tregjet botërore, kërkesa e rritur agregate, si dhe dinamikat e tregjeve të punës, pritet ta mbajnë inflacionin pranë niveleve aktuale gjatë vitit 2022. Më tej, ai pritet të vijë në rënie graduale gjatë vitit 2023 dhe të kthehet në objektiv në gjysmën e parë të vitit 2024”, tha Sejko.

Megjithatë, Këshilli Mbikëqyrës vëren se ekonomia shqiptare do të ruajë stabilitetin e saj monetar dhe financiar, kjo për shkak se nuk pritet që konflikti të përshkallëzohet. Për këtë arsye u vendos që të mos ndryshojë norma bazë e interesit.

LEXONI GJITHASHTU:

• Sejko: Çmimet do mbeten të larta të paktën edhe gjysmën tjetër të vitit
• Ekonomia e Rusisë nuk do të rimëkëmbet deri në fund të 2023-shit