Vizita në Paris, këshilltari i Kryeministrit u përgjigjet akuzave të PD-së

Vizita e Kryeministrit, Edi Rama në Paris, është cilësuar nga Partia Demokratike si udhëtim i pa njoftuar zyrtarisht. Sipas Sekretarit të Përgjithshëm të PD-së, Gazment Bardhi shkruan në Facebook se ky, udhëtim është bërë me avion si të ishte charter personal.

“Ndërkohë që vendi është mbërthyer nga kriza, Edi Rama zgjedh të kalojë fundjavën në Paris. Duke shfrytëzuar avionin e Air Albania-s si charter personal, Kryeministri ka kaluar këtë fundjavë në Paris pa dhënë asnjë shpjegim apo njoftim zyrtar për arsyet e këtij udhëtimi. Për ç’arsye Edi Rama përdor avionin e shtetit shqiptar si plaçkë personale? Në këto ditë kaq të vështira për qytetarët si mundet që një kryeministër të shpenzojë për luksin e tij 100.000 euro të shqiptarëve për charter personal? Ndërkohë që ka ende shumë shqiptarë që presin të riatdhesohen ai përdor avionin e shtetit shqiptar për arsye personale”, shprehet z. Bardhi.

Për këtë akuzë, këshilltari i Kryeministrit për marrëdhënien me median, Endri Fuga thotë se, avioni përdoret me marrëveshje të posaçme.

“E turpshme akuza për udhëtimin 24 orësh të KM në Paris me avionin, që siç e kemi sqaruar publikisht, përdoret veç për arsye pune, bazuar në një marrëveshje të posaçme me AIR ALBANIA pa qëllim fitimi. Ata që akuzojnë mesa duket vetëm këto që shpifin për ne kanë bërë kur qeverisnin”, shkruan Fuga.

E turpshme akuza për udhëtimin 24orësh të KM në Paris me avionin, që siç e kemi sqaruar publikisht, përdoret veç për arsye pune, bazuar në një marrëveshje të posaçme me AIR ALBANIA pa qëllim fitimi. Ata që akuzojnë mesa duket vetëm këto që shpifin për ne kanë bërë kur qeverisnin!

— Endri Fuga (@endrifuga) May 31, 2020