Miqtë e Elon Musk do të kontribuojnë me mbi 7 mld dollarë për blerjen e Twitter

Miqtë e pasur të Elon Mask do të kontribuojnë me një shumë prej 7,14 miliardë dollarë për të mbështetur ofertën e miliarderit për të blerë platformën sociale Twitter.

Të enjten, shefi i Teslas deklaroi se 19 investitorë kanë mbështetur idenë e tij për të blerë Twitter për shifrën e 44 miliardë dollarëve, përfshirë persona nga bota e kriptomonedhave, Silicon Valley dhe Wall Street.

Shuma më e madhi si kontribut, erdhi nga themeluesi i Oracle dhe anëtari i bordit të Teslas Larry Ellsion me 1 miliardë dollarë, shkruan Euronews.

Investitorët e tjerë ishin platforma e kriptomonedhave Binance, një princ saudit dhe sipërmarrje nga Sequoia, e cila ka mbështetur kompani të tjera si Apple dhe Google.

Një tjetër investitor që mbështet Musk është firma Qatar Holding, e cila do të kontribuojë me 375 milion dollarë dhe Fidelity me 316 milion dollarë.

Themeluesi i Binance Changpeng Zhaeo tha se kompania ka investuar 500 milion dollarë dhe e cilësoi blerjen e Twitter nga Musk si një hap përpara drejt “Crypto Twitter”, për të ndihmuar biznesin e tij.

A small contribution to the cause. https://t.co/xD9XZxOWfL

— CZ 🔶 Binance (@cz_binance) May 5, 2022

LEXONI GJITHASHTU

• Elon Musk sulmon George Soros – ç’po ndodh mes 2 multi-miliarderëve?
• Produkti që sipas Elon Musk do të shitet më shumë se Teslat në pak vite