Infektohen kryeministri armen dhe princi belg, Irani shënon rekord rastesh

Kryeministri i Armenisë, Nikol Pashinyan, njoftoi këtë të hënë (1 qershor) se ka rezultuar pozitiv me coronavirus.

Ai nuk ka simptoma të dukshme, ndaj do të vazhdojë ta drejtojë vendin nga shtëpia.

Rastet me coronavirus janë shtuar në Armeni që pas lehtësimit të masave kufizuese, më 4 maj.

Po ashtu, princi Joachim i Belgjikës ka rezultuar pozitiv pasi mori pjesë në një festë, në Spanjë, duke shkelur dhe rregullat e kufizimeve.

“Kërkoj falje që nuk respektova karantinën gjatë udhëtimit.  Nuk kisha për qëllim të fyeja njeri apo të  shfaqja mungesë respekti”, tha ai.

Belgjika është një nga vendet me raportin më të lartë të vdekjeve. Vendi me vetëm 11.46 milionë banorë ka më shumë se 9400 të vdekur dhe mbi 58 mijë të infektuar.

Irani, ndërkohë, ka raportuar 3000 të infektuar brenda një dite, shifra më e lartë në dy muajt e fundit.

Ministri i shëndetësisë u ka bërë thirrje banorëve që të bëjnë kujdes, pasi në vend është përhapur ideja se kriza shëndetësore ka kaluar.