Zv.kryeministri rus viziton qytetin e Mariupolit

Zëvendës kryeministri i Rusisë, Marat Khusnullin vizitoi qytetin jugor të Ukrainës, Mariupol këtë të dielë. Ai është zyrtari më i lartë i qeverisë ruse që shkel në qytetin ukrainas pas javësh të tëra bombardimesh, shkruan CNN.

Në rrjetet sociale Khusnullin ka deklaruar se përveç Mariupolit ka vizituar edhe rajonin e Donjeck dhe Luhansk, të cilat i konsideron të çliruara.

Ai u shpreh se gjithçka do të rinisë normalisht nga e para dhe se Rusia do të ofrojë ndihmë humanitare për banorët e këtyre zonave.

“Në këto rajone do të rivendoset paqja. Ne do të ndihmojmë për këtë. Në veçanti, është e nevojshme të kryhet një punë në shkallë të gjerë për të ofruar ndihmë humanitare”, u shpreh Khusnullin.

LEXONI GJITHASHTU

• Udhëheqësit e G7-ës zotohen të çojnë Putinin para drejtësisë

• Sekretarja britanike: Putin, përgjegjës për bombardimin në shkollën ukrainase