3 akuzat, gjoba dhe penalizimet për autorin e aksidentit te vijat e bardha

Ndaj shoferit që përplasi një çift me foshnjën e tyre 3 muajsh tek vijat e bardha mesditën e së dielës, janë ngritur 3 akuza.

Krahas përballjes me drejtësinë, Ajas Sulejmanit i është hequr patenta për 2 vite pasi rezultoi nën efektin e kanabisit.

Shoferi i foristadës që përplasi çiftin e kalimtarëve dhe foshnjën e tyre tre muajsh te vijat e bardha rrezikon disa vite burg.

Ajas Sulejmani akuzohet për shkelje të rregullave të qarkullimit rrugor, largim nga vendi i aksidentit dhe drejtim mjeti në mënyrë të parregullt.

Në momentin e aksidentit mësohet se Sulejmani ka qenë me vajzën e tij 4 vjeçe në foristradë. Ai ka deklaruar përpara hetuesve se u largua nga vendngjarja në një spital privat pasi ishte i tronditur dhe frikësuar për vajzën.

Gjendja e çiftit të lënduar dhe foshnjës 3-muajshe është e stabilizuar dhe me dëmtime të rikuperueshme.

Autori i aksidentit është gjobitur edhe me 105 mijë lekë, i është pezulluar patenta për 2 vite si dhe i janë hequr 15 pikë nga leja e drejtimit. Të martën ai pritet të dalë para gjykatës së Tiranës për tu njohur me masën e sigurisë.

Menjëherë pas këtij aksidenti, policia rrugore shtoi kontrollet. 16 shoferë janë arrestuar ndërsa 79 patenta janë tërhequr për shkelje të rrezikshme.

LEXONI GJITHASHTU:

• Kush është shoferi i droguar që përplasi çiftin dhe fëmijën 3 muajsh