Basha shpreh gatishmërinë për të përmbyllur reformën me kusht zgjedhje të lira e të ndershme

Kërkesa e BE për reformë zgjedhore konsensuale, Basha falenderon komisionerin pë zgjerimin: Opozita e gatshme për të përmbyllur procesin me garanci për zgjedhje të lira e të ndershme

Partia Demokratike shfrytëzoi një koment të Komisionerit për Zgjerim në Bashkimin Evropian, Oliver Varhelyi, për të shprehur sërish pozicionin e saj “pro” vazhdimit të dialogut për reformën zgjedhore.

Në një deklaratë të shpërndarë nga zyra për shtyp e PD-së, Basha citohet teksa falënderon Komisionerin për “përkushtimin për një reformë me konsensusin e të gjitha palëve politike”.

“Opozita është plotësisht e angazhuar dhe po kontribuon për ta përmbyllur reformën me garanci të mjaftueshme për një proces të ndershëm zgjedhor. Kjo është e rëndësishme për të rikthyer besimin e shqiptarëve tek demokracia pas manipulimeve të rënda zgjedhore dhe skandaleve të blerjes së votave në zgjedhjet e shkuara dhe po kaq përcaktuese për përmbushjen e një prej kritereve të rëndësishme nga 15 kushtet për integrimin Evropian të Shqipërisë” – citohet nga zyra për shtyp e PD-së të jetë shprehur Basha.

Reagimi i Kryetarit të PD-së ka lidhje me komentin që Varhelyi bëri më herët në Twitter, teksa ftonte palët politike për t’iu rikthyer dialogut.

Pas dështimit për të arritur në një konsensus për reformën më 31 maj, opozita ka ftuar mazhorancën që të rifillojë dialogun sot në orën 17:00.

Lexoni gjithashtu:

Rama: I keqardhur që diplomatët hyjnë e dalin ende në seli partish. Nuk fitohen zgjedhjet me ligjin e reformës

Komisionieri i BE-së për Zgjerim, Varhelyi thirrje politikës shqiptare që t’i vazhdojë përpjekjet për reformën zgjedhore