Vlora hap sezonin turistik, kryebashkiaku Leli shpëton qytetarin në Lungomare

Në Vlorë, sot është hapur zyrtarisht sezoni turistik. Që në ditën e parë, një incident i mbyllur pa pasoja të rënda, është shënuar në plazhin para Lungomares.

Një qytetar ka kaluar një parainfarkt, por fatmirësisht është shpëtuar nga ndërhyrja e mjekut Dritan Leli, njëkohësisht edhe kryetar i Bashkisë së Vlorës, i cili ndodhej rastësisht aty pranë.

Leli i ka asistuar qytetarin me ndihmën e parë deri në momentin që ka mbërritur ambulanca.

Pas ndërprerjeve dhe kufizimeve të vendosura dy vite me radhë për shkak të pandemisë, këtë vit operatorët presin që aktivitetet turistike në qytetin bregdetar t’i rikthehen në normalitet.

LEXONI GJITHASHTU:

• Heqja e masave në kufi, e domosdoshme për turizmin në Shqipëri, sipas Topuzit
• Mjeshtri nga Vlora që nxjerr jetesën me anije artistike