Autoriteti i konkurrencës ‘pa autoritet’, nuk ka vjelë asnjë gjobë në 3 vjet

Autoriteti i Konkurrencës nuk ka arritur të vjelë asnjë gjobë në 3 vitet e fundit.

Të dhënat zyrtare të siguruara nga Euronews Albania tregojnë se të gjitha penalitetet që u janë vendosur kompanive vitin e shkuar janë ankimuar në gjykatë.

Në total pranë Gjyaktës Administrative të Shkallës së Parë Tiranë janë ngritur 20 kërkesë-padi nga kompanitë e ndëshkuara, 6 prej të cilave janë pranuar nga gjykata dhe të tjerat janë rrëzuar.

Por as për gjobat që nuk janë pranuar të shqyrtohen nga Gjykata, Autoriteti nuk ka marrë asnjë të ardhur.

Një pjesë e kompanive nuk i kanë paguar dhe një pjesë tjetër kanë vendosur t’i ankimojnë në gjykatën e Apelit.

Viti i fundit që Konkurrenca ka fituar një çështje në apel është 2019-a. Nga ky vit dosjet presin në zyrat e gjykatës.

Mekanizmi i vetëm që ka në dorë Autoriteti i Konkurrencës për vendosjen e rregullave për funksionimin e tregut të lirë është gjobitja e kompanive që abuzojnë me pozitën dominuese dhe deformojnë konkurrencën.

Disa muaj më parë u ndëshkuan kompanitë e tregut farmaceutik për rritjen e çmimit të ilaçeve, maskave dhe dezifektantëve gjatë pandemisë, dhe ndërmarrjet e tregut të plehrave kimikë, por të gjitha këto masa u ankimuan në gjykatë.

LEXONI GJITHASHTU:

• Në hetim nga SPAK inceneratori i Tiranës dhe koncesionet në shëndetësi