Presidenti i ri, Xhafaj: Mazhoranca nuk negocion me persona “non grata”

Deputeti i Partisë Socialiste, Etjen Xhafaj deklaroi se mazhoranca nuk do të negociojë për presidentin e ri, me persona që janë shpallur “non grata” nga Shtetet e Bashkuara, duke iu referuar ish-kryeministrit Sali Berisha.

Në emisionin “Now” në “Euronews Albania”, Xhafaj u shpreh se Partia Demokratike duhet të vendosë të njëjtin standard si mazhoranca, që të largojë të shpallurit “non grata”.

“Neve na u vendos një kushtëzim për të vendosur një standard. Ne e krijuar atë standard, që të mos kishim pjesë të Grupit Parlamentar personat që janë etiketuar “non grata” nga SHBA-të. Ne presim të njëjtin standard. Politika duhet të ketë një peshore që të balancohet nga të dyja anët”, tha deputeti.

Këtë të hënë ka dështuar raundi i parë për zgjedhjen e Presidentit të Republikës. Në seancën plenare nuk u paraqit asnjë kandidaturë, ndaj dhe nuk pati votim.

LEXONI GJITHASHTU

• Dështon raundi i parë për zgjedhjen e presidentit
• Rama: Nëse nuk ka konsenus, e zgjedhim vetë presidentin në raundin e katërt