Reagon Moska pas aplikimit të Suedisë në NATO

Ministri i Jashtëm rus Sergei Lavrov tha të martën se bashkimi i Finlandës dhe Suedisë në NATO ndoshta nuk do të përbënte ndonjë “ndryshim të madh” pasi të dy vendet kishin marrë pjesë prej kohësh në stërvitjet ushtarake të aleancës.

“Finlanda dhe Suedia, si dhe vende të tjera neutrale, kanë marrë pjesë në stërvitjet ushtarake të NATO-s për shumë vite”, tha Lavrov.

“NATO merr parasysh territorin e tyre kur planifikon përparime ushtarake në Lindje. Pra, në këtë kuptim ndoshta nuk ka shumë ndryshime. Le të shohim se si territori i tyre përdoret në praktikë në aleancën e Atlantikut të Veriut.”

Ministrja e Jashtme e Suedisë Ann Linde nënshkroi të martën në mëngjes një aplikim që deklaronte se vendi dëshiron të anëtarësohet në NATO.

Aplikimi i Suedisë do të dorëzohet bashkë me atë të Finlandës brenda javës e më pas do të përpunohet  nga NATO.

LEXONI GJITHASHTU:

• Putin: Rusia do të përgjigjet nëse NATO forcon Suedinë dhe Finlandën