‘7 prokurorë s’bëjnë asgjë’, Çela përplaset me Xhafajn në Komisionin e Ligjeve

Fatmir Xhafaj, një ndër hartuesit kryesorë të reformës në drejtësi nuk i kanë shpëtuar deklaratat e Prokurorit të Përgjithshëm për shtim kompetencash, pasi iu hoqën nga reforma në 2016.

Në Komisionin e Ligjeve ai i ka drejtuar disa pyetje Olsian Çelës lidhur me cënimin e pavarësisë së prokurorit.

“Cila është marrëdhënia juaj me prokuroritë e shkallëve të para? Kush janë të interesuar sot për ta ndikuar dhe kontrolluar privatësinë e prokurorit? A konstatohet tentativa apo praktika të imponimit të centralizimit dhe ndikimit në pavarësinë e prokurorive të rretheve gjyqësore?”, tha Xhafaj.

Kryeprokurori i dha një shembull Xhafajt.

“Cila është prokuroria më e dobët sot për pastrimin e parave? Prokuroria më e madhe e vendit. E pafalshme, ka 7 prokurorë që nuk bëjnë asgjë. Unë nuk mund të hetoj dhe të inspektoj dosjet”, u shpreh Çela.

Ndërsa sqaroi se kërkesa e tij ka të bëjë vetëm me organizimin e prokruorive me juridikosion të përgjitshëm.

“Pavarësi duhet shoqëruar me llogaridhënie. Elementi që mungon është lidhja organike e zyrave në pikëpamje organizative dhe jo në pikëpamje funksionale. Nëse Prokurori i Përgjithshë do ndërhyjë në çështje konkrete qëoftë edhe nëpërmjet inspektimit, kjo është të cënosh pavarësinë.Unë nuk e kam kërkuar këtë”, deklaroi Çela.

Pritet që Prokuroria e Përgjithshme të hartojë një projektligj të ri ku do renditen ndryshimet ligjore që do kërkohen. Për miratimin e tyre duhet shumicë e cilësuar në parlament me 84 vota.

LEXONI GJITHASHTU

• Kryeprokurori Çela: 116 prokurorë më pak në sistemin e hetimit
• ‘Prokurorët mund të jenë nën presion’, Kraja për thirrjet e Ramës ndaj SPAK-ut