Rama: Anëtarësimi në BE i jep fund konspiracionit se unioni s’na do

Kemi hedhur hapa të rëndësishëm edhe në krahasim me vendet që i kanë çelur para nesh negociatat.

Kështu u shpreh kryeministri Rama gjatë konferencës së tij me presidentin e KiE-së, Charles Michel të premten.

Ai kërkoi nga BE-ja që të kapërcehet faza e marrëdhënies proceduriale Ballkani Perëndimor – BE dhe vendet e rajonit të mund të integrohen më tepër në tryezat dhe diskutimet e BE-së, sidomos sa i takon vendimmarrjeve për çështje që e prekin të gjithë Evropën.

“Prej disa kohësh, e kam diskutuar edhe me presidentin e KiE, të Francës dhe kancelarët gjermanë, që BE të kapërcejë fazën ku e gjithë marrëdhënia jonë si vende të Ballkanit Perëndimor, është një marrëdhënie që kalon vetëm përmes proceseve, për të bërë integrim të menjëhershëm në aspektin politik. Pjesëmarrjes së vendeve tona në tryezat europiane, në përgatitjen e vendimmarrjeve që lidhen me sigurinë, apo krizat që na prekin bashkërisht që të bashkëjetojmë si një komunitet i njëjtë”, u shpreh Rama.

Rama tha se një komunitet i ri europian ku edhe vendet që s’janë pjesë e BE-së na bën të jemi më afër Unionit, por “nëse do të vijë dita që do të jemi anëtarë të BE-së, kjo i jep fund të gjitha paranojave që BE po na mban larg e nuk do të na fusë”.

LEXONI GJITHASHTU:

Charles Michel pro Ballkanit të Hapur, bën thirrje për gjithëpërfshirje

Michel: Shqipëria ka plotësuar çdo kusht për hapjen e negociatave