Christiano Ronaldo, i pari futbollist që arrin të fitojë 1 miliard dollarë

Christiano Ronaldo bëhet i pari futbollist që arrin të përfitojë plot 1 miliard dollarë sipas revistës “Forbes”.

Portugezi bëhet i treti sportist që arrin një shifër të tillë përfitimi, pasi më parë edhe Tiger Woods dhe Floyd Mayweather kanë prekur një shifër të tillë.

Sulmuesi i Juventusit gjeneron para jo vetëm përmes kontratave me skuadrat e futbollit, por tashmë ai është kthyer në një markë më vete, pasi imazhi i tij është pjesë e shumë kompanive.

35-vjeçari ka dhe rrjetin e tij të biznesit, pasi ai është pronar i disa hoteleve e marka parfumesh, një tjetër duel i fituar me rivalin e tij, Leo Mesi, që në këtë drejtim ende nuk ka arritur të klasifikohet tek kjo listë. 

Vlera e pasurisë së Ronaldos është aq e madhe, sa e gjithë skuadra e basketbollit The New Orleans Pelicans. Një krahasim i mjaftueshëm për të kuptuar se për çfarë vlerë bëhet fjalë.