SHBA krah Suedisë e Finlandës, vetoja turke vështirëson anëtarësimin në NATO

Procesi i anëtarësimit  të Suedisë dhe Finlandës në NATO po rezulton të jetë më i vështirë se sa pritej. Pavarësisht plotësimit të të gjitha kërkesave formale të hyrjes, vetoja e Turqisë është një pengesë.

Në një takim mes sekretarit amerikan të shtetit dhe ministrit të jashtëm finlandez, u bë e qartë mbështetja e SHBA-së për këtë proces.

“Finlanda dhe Suedia po punojnë drejtpërdrejt me Turqinë për të adresuar disa nga shqetësimet që ajo shtroi. Ne po bisedojmë edhe  me Turqinë. Bisedova me  ministrin e jashtëm turk në Nju Jork rreth një javë më parë dhe komunikimet vazhdojnë. Nuk dua të përcaktoj  bisedat paraprakisht , por ka një konsensus shumë të fortë në NATO për pranimin e Finlandës dhe Suedisë dhe mbetem i bindur se ne do ta kalojmë këtë proces me shpejtësi dhe se gjërat do të ecin përpara me të dyja vendet”, u shpreh sekretari amerikan i shtetit Anthony Blinken.

Delegacioni suedez dhe finlandez kanë qenë në Turqi për të hyrë në bisedime dhe për të gjetur një rrugëzgjidhje.

LEXONI GJITHASHTU:

• Suedia dhe Finlanda përpiqen të bindin Turqinë për anëtarësimin në NATO
• Kushti që Finlanda i vendos NATO-s për armët bërthamore