Rusia pretendon se ka marrë nën kontroll të plotë qytetin e rajonit separatist

Ministria ruse e Mbrojtjes thotë se qyteti Lyman në rajonin e Donetskut ka rënë nën kontrollin e plotë të forcave ruse, raporton BBC.

Kjo vjen një ditë pasi separatistët pro-rusë nga Republika Popullore e vetëshpallur e Donetsk thanë se kishin pushtuar plotësisht qytetin, një qendër hekurudhore në perëndim të Severodonetsk.

“Pas veprimeve të përbashkëta të njësive të milicisë së Republikës Popullore të Donetskut dhe forcave të armatosura ruse, qyteti i Lyman është çliruar tërësisht nga nacionalistët ukrainas”, tha Ministria e Mbrojtjes në një deklaratë.

Të premten, Ukraina tha se Rusia kishte pushtuar pjesën më të madhe të Lyman, por se forcat e saj po bllokonin një avancim në Sloviansk, një qytet në jugperëndim.

Lyman është strategjikisht i rëndësishëm sepse i jep akses Rusisë në urat e rëndësishme hekurudhore dhe rrugore mbi lumin Siversky Donets.

LEXONI GJITHASHTU:

• Kisha e Ukrainës shpall pavarësinë nga Rusia
• Rusia bombardon 40 qytete të rajonit lindor të Ukrainës