Keqpërdorimi s’duhet trajtuar si e keqe e vetë kriptomonedhave, thotë Progni

Gentian Progni, ekspert IT dhe njohës i fushës së kriptomonedhave thotë se ligji në Shqipëri për monedhat digjitale është i cunguar dhe i paqartë.

Ai shprehet se këtu duhen veçuar përdorimi i kriptovalutës nga Call Center-at për të mashtruar klientët, përdorimi i pajisjeve për mining pa doganë dhe pastrimi i parave.

Sipas Prognit, këto veprime janë të paligjshme, por kjo nuk do të thotë se vetë kriptomonedhat ofrojnë diçka ilegale.

“Call Center-at që përdorin kriptovalutë për të vjedhur para dhe për të mashtruar njerëz, nuk do të thotë se kriptovaluta është dëmi”, tha Progni.

Duke iu referuar raporteve për pastrim parash, Progni thotë se vetëm 0.15% e transaksioneve të 2021 në kripto ka dyshime se janë përdorur për këtë qëllime të paligjshme apo pastrim parash.

Ndërsa përqindja e transaksioneve të parave tradicionale që dyshohet se janë për pastrim parash është më e lartë pasi OKB thotë se bëhet fjalë për 2 deri në 5%.

LEXONI GJITHASHTU:

• Eksperti tregon disa nga skemat se si pastrohen paratë nëpërmjet kriptovalutave
• Arrestohet ‘pronari’ i laboratorit të kriptomonedhave në Shkodër
• Rusia do të legalizojë Bitcoin dhe kriptovalutat e tjera për të bërë pagesa