Osmani takon Mitsotakis: Kosova dhe Greqia intensifikojnë raportet bilaterale

Presidentja e Kosovës, Vjosa Osmani është pritur sot në takim nga kryeministri grek Kyriakos Mitsotakis në kuadër të Samitit të krerëve të shteteve të Evropës Juglindore (SEECP).

Osmani ka vlerësuar ngritjen e vazhdueshme të raporteve në mes të Kosovës dhe Greqisë dhe takimet e shtuara të liderëve të dy vendeve tona.

“Ekonomia, tregtia e turizmi janë disa nga fushat më të rëndësishme në fokus të bashkëpunimit kosovaro-grek, për të cilat si krerë shtetëror po punojmë bashkërisht që t’i avancojmë, për t’i përafruar edhe më shumë dy popujt tanë dhe bizneset tona”, ka thënë Presidentja Osmani, duke përmendur gatishmërinë e Kosovës që t’i thellojë marrëdhëniet me Greqinë.

Osmani me Mitsotakis kanë biseduar edhe për luftën në Ukrainë si dhe nevojën që demokracitë të qëndrojnë të bashkuara karshi sfidimit të vlerave euro-atlantike.

Presidentja Osmani ka nënvizuar nevojën për vëmendje të partnerëve euro-atlantik për rajonin, sidomos ndaj veprimeve që kanë për qëllim të destabilizojnë stabilitetin dhe paqen e fituar me mund në rajonin tonë.

LEXONI GJITHASHTU

• Të liberalizohen vizat me Kosovën, thotë kancelari gjerman

• Scholz në Prishtinë: Njohja reciproke Kosovë – Serbi hap rrugën për në BE