20 kg kokainë në vazo me lule, arrestohet ish-kreu i bashkisë Vorë

Agim Kajmaku, ish-kryetari i bashkisë së Vorës është arrestuar në Itali për trafik droge.

Ai është prangosur së bashku me nipin e tij rreth dy javë më parë Ascoli.

Rreth 20 kilogramë kokainë janë në disa vazo lulesh të cilat ishin blerë nga Kajmaku në Grotomare.

Pasi kanë blerë fidanet Kajmaku dhe nipi i kanë future ato në vazo më të mëdha.

Kjo i është dukur e çuditshme pronarit italian të fidanishtes i cili ka vënë në dijeni policnë.

Më pas ish drejtuesi i bashkisë Vorë është mbajtur nën survejim nga policia.

Nga kontrolli i bërë është zbuluar sasia e kokainës e cila nëse do hidhej në treg do kishte vlerën e 1 milion eurove.

Nuk është hera e parë që Agim kajmaku ka pasur problem me drejtësinë.

Në kohën kur ai mori drejtimin e bashkisë së Vorës u vertetua se ai kishte fshehur një dënim për falsifikim parash të marrë në Greqi në 2003.

Kajmaku u shkarkua nga detyra dhe u hetoa nga prokuroria shqiptare për falsifikimin e formularit të dekriminalizimit duke qënë se nuk e kishte deklaruar dënimin e gjykatës greke.

LEXONI GJITHASHTU:

• Kapen 2.2 tonë kokainë në Peru, në kërkim 2 shqiptarë